2022 жылғы 16 ақпанда басқарма төрағасы-ректор, т.ғ.д., профессор, академик Ә.Б.Найзабеков институттың студенттік активінің өкілдерімен дәстүрлі кездесу өткізді.
2022 жылғы 16 ақпанда басқарма төрағасы-ректор, т.ғ.д., профессор, академик Ә.Б.Найзабеков институттың студенттік активінің өкілдерімен дәстүрлі кездесу өткізді.
Мұндай кездесулер тұрақты негізде өткізіліп, білім алушыларға ЖОО дамуының негізгі бағыттары туралы айтып беруге, сондай-ақ студенттердің барлық сұрақтарына жауап беруге мүмкіндік беретінін атап өту қажет.
Кездесу барысында Әбдірахман Батырбекұлы студенттік актив өкілдерін 2021 жылы өткен «Атамекен» ҰКП рейтингісіндегі РИИ білім беру бағдарламаларының ұстанымдары туралы хабардар етті. ТОП – 10 құрамына институттың 4 БББ, ТОП-20 құрамына институттың 3 БББ кірді.
Тағы бір жақсы жаңалық – «ССКӨБ» АҚ басшылығымен біздің студенттердің жұмыс орындарында жалақы төлей отырып кәсіптік практикадан өту мүмкіндігі туралы қол жеткізілген уағдаластық болды. Жақында ғана «ССКӨБ» АҚ HR-қызметі өкілдерінің бітіруші курс студенттерімен кездесуі өтті, онда «ССКӨБ» АҚ бөлімшелерінде білім алушылардың ақылы диплом алдындағы практикадан өтуінің рәсімдік мәселелері талқыланды.
Сондай-ақ, Әбдірахман Батырбекұлы қатысушылардың назарын сыртқы академиялық ұтқырлық бағдарламаларына қатысу мүмкіндігіне аударды, оның аясында РИИ студенттері бір семестр бойы АҚШ, Германия, Болгария, Латвия, Ресей және басқа елдердің университеттерінде білім алады.
Қызықты және мазмұнды студенттік өмірге біздің студенттеріміздің студенттік ғылыми-зерттеу бюроларының, спорт секцияларының, қызығушылықтар бойынша клубтардың және ЖОО-да ашылған үйірмелердің жұмысына қатысуы; дебаттық және волонтерлік қозғалыстарға белсенді қатысуы кіреді. РИИ студенттері СҒЗЖ және олимпиадалардың республикалық және халықаралық конкурстарының жеңімпаздары болып табылады.
Әбдірахман Батырбекұлы кездесуге қатысушыларды оқуда өте жақсы және жақсы жетістіктерге жетуге, университеттің қоғамдық өміріне белсенді қатысуға шақырды. РИИ-да білім алу үшін барлық қажетті жағдайлар жасалған. Студенттерді қолдау қызметі жұмыс істейді, білім алушыларға оқу ақысына жеңілдіктер мен шегерімдер беріледі, институттың Басқарма Төрағасы-Ректорының, эндаумент-қордың, ЖОО корпоративтік серіктестерінің стипендиялары мен гранттары беріледі. Барлық басқа қалалардан келген студенттер ең төменгі төлем жасай отырып, жайлы жатақханаларда тұрады. Ал ЖОО жыл сайын жатақханаларды ұстауға байланысты шығындарды жабуға 4,5 млн.теңгеден астам соманы демеуқаржыландырады.
Қазіргі уақытта РИИ-ның студенттік активіне үлкен үміт артылатыны сөзсіз. Дәл осы белсенді студенттер біздің қаламызда пікір көшбасшылары болуына, өз құрдастары арасында түсіндіру жұмыстарын жүргізуге, жаңа білімді дамытуға және білім алушыларды танымдық қызметке тарту бойынша барлық бастамалардың алдыңғы қатарында болуы тиіс.
Кездесу соңында Әбдірахман Батырбекұлы студенттердің барлық сұрақтарына жауап берді.
