2024 жылдың 19 наурызында Рудный индустриялық университетінде Наурыз мейрамын мерекелеуге арналған «Наурыз – ел тарихындағы толыққанды трансформацияларды бастаған жаңа саяси дәуірдің бастауы»
2024 жылдың 19 наурызында Рудный индустриялық университетінде Наурыз мейрамын мерекелеуге арналған «Наурыз – ел тарихындағы толыққанды трансформацияларды бастаған жаңа саяси дәуірдің бастауы» тақырыбында дөңгелек үстел отырысы өтті. Іс-шара Наурызнамның онкүндігі аясында өтті.
Дөңгелек үстел жұмысына ақсақалдар кеңесінің төрағасы Ж.Т.Тілеуғабылов, «Рудный қалалық ішкі саясат бөлімі» ММ басшысы Г.А.Ермешекова, сондай-ақ Рудный қаласының ақсақалдар кеңесінің мүшелері және Рудный индустриялық университетінің студенттері қатысты.
Іс-шараның басында РИУ департаментінің директоры, ақсақалдар кеңесінің мүшесі К.М.Ахмедов биыл еліміз Наурызды жаңаша тойлап жатқанын атап өтті. Мерекенің жаңа форматы – бұл парадигманың түбегейлі өзгеруі емес, ежелгі мерекенің бастапқы мақсатына негізделген эволюциясының табиғи процесі: адамдарға бірлік сезімін, жағымды эмоцияларды, әлеуметтік артықшылықтарды және өз өмірлерін оптимистік жолмен қайта бастауға мүмкіндік беру.
«Тарихи тұрғыдан Ұлы далада Жаңа жыл мерекесі 8-9 күнге созылып, Наурызнама деп аталды. Бұл туралы Шығыстың көрнекті ойшылдары: Омар Хайям, Махмұд әл-Қашқари, Мәшһүр Жүсіп Көпейұлы, Абай Құнанбаев, Мұхтар Әуезов және басқалар өз еңбектерінде көрсеткен. Қазақстандағы мерекенің жаңа форматын анықтау – бұл тарихи әділеттілік пен халықтық дәстүрлердің сабақтастығын қалпына келтіру», – деп атап өтті Г.А.Ермешекова.
Университет студенттері өз баяндамаларында қатысушылардың назарын еліміздің негізгі жетістіктеріне, негізгі кезеңдері мен негізгі күндеріне аударды.
Іс-шара соңында дөңгелек үстелге қатысушылар ұлттық дәстүрді қолдауға және кеңінен насихаттауға – Наурызды бүкіл әлеммен бірге тойлауға шақырды.
Біздің елімізде бұл мейрамды мерекелеудің жақсы дәстүрлері қалыптасты: мерекелік дастархан жайылып, халықтық мерекелер ұйымдастырылып, концерттер өткізіліп, адамдар қонаққа барып, бір-біріне дәм таттырады. Сондай-ақ, бұл күндері игі істер жасау, мұқтаж жандарға көмектесу әдетке айналған.
