Іс – әрекеттегі кадрларды озық даярлау

Қазіргі уақытта ERG Орталық Азиядағы ең ірі «жасыл» металлургиялық зауыттарының бірін салу жобасын іске асыруда.  Өндірістік қуаттылығы жылына 2 миллион тонна темір кені концентратының түйіршіктелуін құрайды, ал инвестиция көлемі 650 миллиард теңгеден асады. Кәсіпорынды пайдалануға беру 2029 жылға жоспарланған, мыңнан астам жұмыс орнын құру жоспарлануда.

Рудный индустриялық университеті және «МИСИС» (Мәскеу болат және қорытпалар институты) ұлттық технологиялық зерттеу университеті осы жобаға жоғары білікті инженерлік кадрларды даярлау үшін күш біріктірді.

Серіктес ЖОО-мен бірлесіп «Металдандырылған шикізат өндіру технологиясы» (бакалавриат) және «Ыстық брикетті темір өндіру технологиясы» (магистратура) қос дипломдарының инновациялық білім беру бағдарламалары іске асырылуда. Осы бағдарламалардың негізгі элементтерінің бірі «ССКӨБ» АҚ тапсырысы бойынша нысаналы даярлық болып табылады, бұл оқу үдерісінің нақты өндірістік міндеттерге барынша сәйкестігіне кепілдік береді.

Металлургиялық білім беру саласындағы әлемдік көшбасшылардың бірі – «МИСИС» ұлттық технологиялық зерттеу университетімен серіктестік бірден жоғары сапа жолын белгілеуге мүмкіндік береді. Іске асырылып жатқан бағдарламалардың түлектері сұранысқа ие білімді ғана емес, екі университеттің дипломдарын да алады, бұл олардың бәсекеге қабілеттілігін арттырады.

А.А.Угаров атындағы Старооскольск технологиялық институтындағы Рудный индустриялық университетінің 6 оқытушысының біліктілігін арттыру маңызды қадам болды, онда оқытушылар металдандырылған шикізат алу технологияларын, кокс жоқ металлургияны дамыту перспективаларын, тотыққан және металдандырылған түйіршіктерді алудың жылу-физикалық ерекшеліктерін және т. б. зерттейді.

Қостанай облысында «ЖОО – ғылым – өнеркәсіп» толыққанды экожүйесі қалыптасып жатыр деп сеніммен айтуға болады, онда білім тез дамып келе жатқан экономиканың қажеттіліктерінен бір қадам озып, оны инженерлік кадрлармен қамтамасыз етеді.